دەقی بانگەشەکە بەبێ دەستکاری:
منداڵێکی پاڵەوانفەهد منداڵێکی میسرییە، ئەو ئەوەی کرد کە پەنجا و حەوت وڵاتی “موسوڵمان” و هێزە سەربازیەکانیان بەیەکەوە نەیانتوانی بیکەن. ئەو کونەی لە دیوارە بەهێزەکەی نێوان غەزە و میسر شکاندووە و ڕۆژانە نان لە سنوورەکەوە دەگەیەنێتە دانیشتوانی غەززە،…
ئەم گرتە ڤیدۆییە لە فلیمێکی دۆکیومێنتاری ساڵی ٢٠١٢ەوە وەرگیراوە و پەیوەندی بە ڕوداوەکانی ئەم دواییانەی فەلەستینەوە نییە.
دوای گەڕانێکی گوگڵ بەدوای دەستەواژەی “منداڵان بە قاچاخ نان دەبەن بۆ کەناری ڕۆژئاوا” گەشتین بە کۆمەڵێک ڤیدیۆی هاوشێوە کە یەک لەوانە لەلایەن تۆڕی هەواڵی فەلەستینەوە بڵاوکراوەتەوە لە ساڵی ٢٠١٥ و بەم شێوەیە باس لە ڤیدیۆکە دەکات:
دەقی پۆستەکە بەبێ دەتکاری لە تۆڕی هەواڵی فەلەستینییەوە:
منداڵان نانی بەناوبانگی قودس “کاەعک” بە قاچاخ دەگوازنەوە بۆ کەناری ڕۆژئاوای داگیرکراو لە ڕێگەی کونەکانی دیواری ئیسرائیلی ئاپارتایدەوە، چونکە سەربازەکان ڕێگەیان پێنادەن بپەڕنەوە.
دوای گەڕانێکی زیاتر دەردەکەوێت کە گرتە ڤیدیۆییەکە لە فلیمێکی دۆکیومێنتارییەوە وەرگیراوە کە لە ساڵی ٢٠١٢ لایەن دەرهێنەرێکی فەلەستینییەوە بەرهەم هێنراوە. کەناڵی ئەلجەزیرەش ڕاپۆرتێکیان لەسەری بڵاوکردۆتەوە لە وێبسایتەکەیان. هەروەها دەتوانرێت زانیاری زیاتر لە لەسەر فلیمەکە ببینرێت لە وێبسایتی ئای ئێم دی بی (IMDB).
ڤیدیۆکە کۆنە و لە چوارچێوەیەکی ناڕاستدا بەکار هاتووە، بۆیە چەواشەکارانەیە.
