وێنەیەک لە تۆڕی کۆمەڵایەتی فەیسبوک بڵاوکراوەتەوە کە بانگەشەی ئەوە دەکات لە ژووری وەزیری دارایی نوسراوێک هەڵواسراوە بە ڕەنووسی “قەرز نییە، تەنانەت بۆتۆش”.
دەقی بانگەشەکە بەبێ دەستکاری:
وەزیری دارایی عێراق لەیەکەم رۆژی ئەمساڵەوە لە ژوورەکەی؛ بەزمانی کوردی نووسیویەتی “قەرز نییە، تەنانەت بۆ تۆش”..
ئەم وێنەیە لە کاتی چاوپێکەوتنێکدا گیراوە لە ساڵی٢٠٢١ و هی نووسراوێک بە زمانی کوردی لە ژووری وەزیری دارایی عێراق هەڵنەواسراوە.
دوای بەدواداچوونی تیمی فتبینوا، لە گەڕانێکی گۆگڵ گەشتین بە چاوپێکەوتنێک کە لە کەناڵی یوتیوبی فۆربس بڵاوکراوەتەوە و وێنەکەش لەو کاتەدا گیراوە. هەروەها کۆمەڵێک ڕاپۆرتی ڕۆژنامەنووسانیش بڵاوکراونەتەوە کە هەمان وێنەی وەزیری دارایی تێدا بەکار هاتووە کە لە کاتی چاوپێکەوتنەکەدا گیراوە، وەک لێرە و لێرەوە دەبینرێن.
وەک تێبینی دەکرێت چاوپێکەوتنەکە لە ساڵی ٢٠٢١ ئەنجامدراوە و وێنەکانیش لە بەرواری جیا جیادا بڵاوکراوەنەتەوە کە هەمویان پێش بەرواری بانگەشەکەن و وەک دەبینرێت هیچ نووسراوێک کوردی لە ژوورەکەدا هەڵنەواسراوە.
وێنەکە دەستکاری کراوە و بانگەشەکە چەواشەکارانەیە.
