ڤیدیۆیەک لە تۆڕی کۆمەڵایەتی فەیسبوک بڵاو بۆتەوە کە بانگەشەی ئەوە دەکات بۆردومانی غەزە بێت لەم دواییانەدا.
دەقی بانگەشەکە بەبێ دەستکاری:
کەمێک پێش ئێستا.. بۆردومانی چڕی ئەمشەوی غەززە
ڤیدیۆکە دەگەڕێتەوە بۆ شەڕی نێوان دوو خێڵی بەسرە لە ساڵی ٢٠٢١ نەوەک بۆردومانی غەزە
دوای گەڕانی تیمی فتبینوا لە ڕێگەی گەڕانی پێچەوانەی یاندێکسەوە، گەشتین بە ڤیدیۆییەک کە دەگەڕێتەوە بۆ ئایاری ٢٠٢١، وە ناونیشانی ڤیدیۆکە باس لە شەڕی خێڵەکی باکوری بەسرە دەکات.
هەروەها بۆ دڵنیابونەوەی زیاتر، گەڕانێکی ترمان ئەنجام دا لە یوتیوب بە دەستەواژەی “نزاع عشائري في بصرة” و گەشتین بە چەند ڤیدیۆییەکی تر، لە نێویاندا، ئەم ڤیدیۆییە کە ڕوداوەکە دەگەڕێنێتەوە بۆ شەڕی نێوان دوو خێڵی بەسرە کە لە هەمان بەرواری ئایاری ٢٠٢١ بڵاوکراوەتەوە.
بانگەشەکە چەواشەکارانەیە و ڤیدیۆکە لە چوارچێوەیەکی ناڕاستدا بەکار هاتووە.
